网站首页 注册会员 登陆论坛 搜索帖子 最新帖子 最热帖子 风数文化 真亮心情 陆新瑾诗歌
 
论坛首页歌尽桃花扇底风 → 当前帖子
 
题目:看刘春山的段子“热水袋” 回复: 1 浏览: 1958
^_^!
表情: 作者:linou 时间 2006-7-1 15:03:19 序号:403
 
  前几天,电视上有刘春山的子女小刘春山、刘敏做了一档节目,谈到“热水袋”、“游码头”、“开无线电”,而“热水袋”竟被嘘了倒彩,据小刘春山先生说是因为当时热水袋是舶来品,为抵制外国货,刘春山唱了这个段子,而台下那些太太们正好手捧热水袋,所以大不窝心,喊了倒彩!
现在不知那天晚上刘先生唱的是哪个版本的“热水袋”,但我翻出大戏考上刘先生的那段“热水袋”倒是与抵制外国货无关,而与当时的一些社会现象有关,就是抄出,可见全豹!

刘春山∶
热水袋

繁华景致顶好来,让为此地上海滩。
上海场化地方大来交交关。
人日朝为【会】得多起来。
勿看见个去。
只看见个来。
只因为上海个穷人多来交交关。
因为还有许多制造个种瘪三个好机关。
就是末起码格种花烟间。
坐一个房间要六八拉开。
两元洋钿好拿房门关。
淌白野鸡多得来。
才勒勒末游戏场个种叫影戏间。
咸肉荘会得开起来。
五块个洋钿就好斩一拉斩。
么二堂子末一块个洋钿好拿移茶喊。
喊一声末上顶头大小姑娘跑下来。
丑个轨【轧】勒浪前八尺。
好个后头勿肯走下来。
顶顶清爽是长三。
长三里向俚笃开销大得来。
横竖有一种老板并小开。
有一种洋盘瘟生铜钿送进来。
花纸头外加糊房间。
开销大得来交交关。
睏得日落至西山。
床浪拿格个身来翻。
豁下个床浪拖鞋拖。
身浪向着一件个三友实业社毛巾衫。
一走走到梳头间。
头发拿得梳一梳末。
前底头个还要两分开。
前头再打前刘海。
身浪向一件个旗袍着起来。
旗袍硬是硬。
个条领头直头叫硬得来。
赛过鞋子店里荷包辫。
一双个长统丝袜着到大膀浪。
个只丝袜再要长。
起码着到上头个肚脐眼。
皮鞋后跟用高攀。
说道皮鞋头个后跟浪要水鑚嵌。
打底大姐叫老三。
外底头堂差条子来。
勿喊个老二並老三。
老三老四老五老六老七老八老九荷花咾橘子咾萍影外加小牡丹。
身浪一件个旗袍才是狐嵌。
拉车子朋友狠得来。
一个里格拉。
两个推。
后底头末乌师先生跟上来。
乌师先生屁股浪末掛子一只胡琴袋。
一拉个拉到大菜间。
碰着个先生王老板。
说道两家头还要做迷眼。
闲话拿得来讲一讲。
说道辰光还拿得来约起来。
明朝点。
一点钟。
吃仔个饭。
王先生。
谢谢倷。
明朝随便那能早点来。
说道我搭倷。
说道两家头。
坐坐汽车兜兜圈子也勿拉碍。
一到个明朝一点钟。
喔唷。
王先生俚倷果然来。
(二段)
等到末明朝点末一点钟吃过仔个饭。
王老板部汽车果然开过来。
一部个轿车到大得来。
弄堂口头停一停末关照末开车子叫阿三。
走到弄堂里向拿俚笃来喊。
喊出小姐小牡丹。
打底大姐叫老三。
两家头末身浪向一身说好打扮。
里向头簇刮辣个衣裳着起来。
身浪向说道一件个斗篷是狐嵌。
两家头车子里向坐下来。
下首坐着小老三。
上首坐个小牡丹。
当中坐个王老板。
汽车刚刚要朝前开。
哎哟慢慢叫。
说道忘记哉。
只热水个瓶袋勿曾拿。
热水瓶袋回转去末再喊娘姨拿过来。
汽车末一直个朝南开。
开到南海半淞园就要打转湾。
开到末龙华塔里向烧香末白相相拿桃花採。
回转来再开曹家渡咾北新泾到徐家汇。
朝东开到黄浦滩。
杨树浦末。
过去叫邓家滩。
哎哟小老三花头实头大得来。
要想到吴淞看炮台。
关照车子朝北开。
车子末俚倷马上北四川路打转湾。
一开开到近江湾。
哎唷那末弄出一桩毛病来。
小老三手里热水瓶到冷脱哉。
热水瓶袋冷脱个勿碍。
小牡丹俚倷撒尿哉。
那末弄得末那能尴。
说道汽车里向呒不啥个马桶间。
心里实头急得来。
热水瓶袋叫啥呒没用。
拿个热水瓶袋盖头开。
拿个冷水对准仔笛个汽车外头拿来掺脱哉。
生怕拨勒少爷看见要坍台。
上底头搿牢仔对俚实梗做迷眼。
下底头拿只热水瓶袋撤尿哉。
撤尿撤仔那娘一袋袋。
拿笛个盖头盖起来。
外头手巾拿块包一包。
自己摸摸会得笑出来。
一只热水瓶袋倒又烫哉。
汽车开倒炮台湾。
还要打转弯。
碰着笛个王老板末吃仔几样咸小菜。
嘴巴里向觉着有点干得来。
汽车里向呒不堂倌喊。
也呒不啥人拿一杯开水来。
江湾路浪呒不啥个水果滩。
勿吃开水要咳嗽哉。
拿该只热水瓶袋抢过来。
拿盖头来晓开来。
对准仔嘴里实梗掺一掺。
吃进去。
咳。
阿呀吐出来。
眉头当场皱起来。
说道回转身来问老三。
老三呀。
为啥唠热水瓶袋开水实梗能个咸。
阿曾浸过几个咸橄榄。

本文中有些明显错字已作技术处理。

表情: 作者:老侬 时间 2006-11-19 19:08:21 序号:500
^_^!
回复内容:
  我来补图~~

 
表情
插入
上传
内容
  请注意:本论坛设置游客不能发帖子。回复帖子
 *东方文献编辑部 *All Rights Reserved 【☆☆☆