网站首页 注册会员 登陆论坛 搜索帖子 最新帖子 最热帖子 风数文化 真亮心情 陆新瑾诗歌
 
论坛首页歌尽桃花扇底风 → 当前帖子
 
题目:1942年江笑笑、鲍乐乐《瞎子借雨伞》(图) 回复: 1 浏览: 1823
^_^!
表情: 作者:老侬 时间 2006-11-19 19:12:31 序号:501
 
 

表情: 作者:linou 时间 2006-11-20 17:13:37 序号:505
^_^!
回复内容:
  江笑笑∶倒乱世界 (大中华)
正月里来是新春,杨贵妃骑子木驴去游四门,皆因为武则天当中亦要吃三分,故所以刁刘姘子一个罗炳生。
二月里来天气暖,寇承御开子一爿按摩院,唐明皇听见子要当场去试试看,弄得来猪八戒登勒壁角落里向团团转。
三月里来杨柳绿沈沈,景阳岗打虎是卓别林,张家祥影戏片子拍子一本掏金记,唐伯虎点秋香夹忘头里点着个向大人。
四月里来石榴红东东,蒋老五三气周瑜去借东风,张欣生看见子俚双脚跳,为啥老王莲英生子一个绣球疯。
五月里来是端阳,包龙图要捉落帽风跑进子个跳舞场,黄慧如拉牢子里跳一跳,张三郎香槟开子几十打。
六月里来狗惚浴,赵子龙搭子孙行者二家头去斩咸肉,霍定金亦想去赚外快,弗晓得骨落独咸肉荘才塌落,里向鑚出一个鲍乐乐。
(二段)
七月里来七秋凉,刘娘娘到长三堂子里向做先生,姜太公跑得去拿个茶围来打,倒说道小房间里抗子一个诸葛亮。
八月里来桂花黄如金,刘备想到跑马厅里向去买香槟,赵匡胤亦要做输赢铜钿才输脱,拿个西太后去押拨拉美国总统华盛顿。
九月里来菊花香,孟姜女万里寻夫寻勿着,只好改行去唱苏滩,程咬金心里要想去听两声,横要拣竖要拣,喊俚搭唐僧和尚俩家头唱子一只打斋饭。
十月里来芙蓉小阳春,天上也有勿正经,王母娘娘会得搭陆根荣二家头去讲爱情,请子老寿星来做一个证婚人,明年养子一个妮子雪雪白粉粉嫩,取名字就叫小方卿。
十一月里冷冰冰,陈翠娥搭子采屏丫头登勒四马路郎拉客人,文必正心里要想去寻开心,祝枝山顶苦命,盐呒分倒说道九一四一打打脱子几百瓶。
十二月里来雪堆山,曹操会得三戏白壮丹,呆呆调碰着黄忠老将开客栈,铁拐李相帮去捉奸,一捉捉着子黄坤山。
 
表情
插入
上传
内容
  请注意:本论坛设置游客不能发帖子。回复帖子
 *东方文献编辑部 *All Rights Reserved 【☆☆☆